नेपाल सम्वत् ११४४ तछलागाः ७, शुक्रबार, सप्तमी (१४ असार, २०८१) बाँपिझ्याला । भारत आईसीसी टी- २० विश्वकपको फाइनलमा पुगेको छ । गएराति भएको सेमिफाइनलमा इङ्ल्याण्डलाई ६८ रनले पराजित गर्दै भारत प्रतियोगिताको फाइनलमा पुगेको हो ।
भारतले दिएको १७२ रनको लक्ष्य पछ्याएको इङ्ल्याण्ड १६.४ ओभरमा १०३ रन बनाएर अलआउट भएको थियो ।
यसअघि भारतले पहिला ब्याटिङ गर्दै २० ओभरमा ७ विकेट गुमाएर १७१ रन बनाएको थियो ।
अब भारतले उपाधिका लागि दक्षिण अफ्रिकाको सामना गर्ने भएको छ । फाइनल खेल शनिबार राति ८:१५ बजेदेखि हुने भएको छ ।
